O Concello da Coruña informa de dúas afeccións de tráfico para mañá na avenida de Arteixo e na AC-552

O Concello da Coruña, a través da Concellaría de Tráfico e Mobilidade, que dirixe Begoña Freire, informa de dúas afeccións de tráfico que se van producir nas próximas horas na avenida de Arteixo e na AC-552, na glorieta de Marineda City.

Con motivo dos traballos de acometida de rede de sumidoiros na avenida de Arteixo á altura do número 84, o mércores 15 e o xoves 16 de maio en horario de 08.30 a 19.30 horas, será necesaria a ocupación de parte do carril de xiro desta vía cara á Rolda de Outeiro para permitir o paso alternativo dos peóns.

Por outra parte, mañá 15 de maio, producirase un estreitamento na
AC-552 dos carrís de acceso e saída á glorieta de Marineda City, sen corte de circulación, con motivo da realización de traballos de tendido de fibra óptica.