O Concello apoia a decisión dos xuíces de paralizar os desafiuzamentos

O Concello de Pontevedra apoia a decisión dos xuíces do Partido xudicial de Pontevedra pola decisión de paralizar todos desafiuzamentos que estean en marcha no partido xudicial, e especialmente, no concello de Pontevedra.

A Concellaría de Benestar Social Municipal, que xestiona Carmen Fouces, lembra que actitudes como esta son as que contribúen a loitar contra as inxustizas flagrantes como os desafiuzamentos, tan propias dos tempos que se están a vivir, dándolle unha posibilidade ás familias de reestructuras as súas vidas.

A concelleira quere trasladarlles toda a colaboración que precisen por parte do departamento que dirixe, e lembra que o Concello en colaboración co Colexio de Avogados de Pontevedra puxo en marcha a primeiros de ano un convenio de asesoramento ás vítimas de execucións hipotecarias e desafiuzamentos no concello de Pontevedra, cuxa oficina está situada na Casazul.