O Club Alquimia de Ordes proclámase gañador do Campionato Provincial de Grupo Show Escolar de Patinaxe

Entrega de premio ás gañadoras

O Concello de Ordes foi sede recentemente do último Campionato Provincial de Grupo Show Escolar de Patinaxe Artística. A competición tivo lugar no pavillón Castelao, que rexistrou un cheo absoluto. Unha cita á que se presentaron máis de 200 patinadores e patinadoras de distintos equipos procedentes de Santiago, Ferrol, A Coruña, Ordes, Pobra do Caramiñal, Arteixo, Ribeira e Coristanco.

As mellores puntuacións na categoría do grupo pequeno de Primaria foron para a Asociación Deportiva Liceo, o Riveira e o Club Deportivo Fervello. Na categoría grande de Primaria os tres primeiros clasificados foron a Asociación Deportiva Liceo, o Club Fontiñas e o Club Patinaxe Brincadeira. 

No caso dos clubes pequenos de Secundaria o Club Riveira, o Club Pobra do Caramiñal e o Club Patín Axel foron os que finalmente subiron ao pódio, mentres que o Club Alquimia acadau a primeira posición nesta mesma categoría dentro dos grupos grandes.