María del Carmen García tomou hoxe posesión como concelleira no pleno extraordinario

Toma de posesión

O Pleno de Ferrol acolleu hoxe a toma de posesión de María del Carmen García Fraga como concelleira de Ferrol en substitución de José Manuel Vilariño Anca, nomeado presidente da Autoridade Portuaria de Ferrol-San Cibrao.

A nova concelleira, María del Carmen García Fraga, asumirá as competencias na Concellería de Turismo co obxectivo de avanzar en tres temas clave: a Declaración de Interese Turístico Internacional da Semana Santa ferrolá, a  Declaración da Noite das Pepitas como Festa de Interese Turístico Rexional e a consolidación da Ruta da Construción Naval. Así, a nova edil de Turismo marcou estas tres liñas básicas de actuación dentro da estratexia do conxunto do Goberno Municipal para consolidar a Marca Ferrol, que no que atinxe ao ámbito do turismo pasa por converter o xeodestino de Ferrol e comarca nun punto de referencia para toda España. Pola súa banda, o alcalde Jose Manuel Rey Varela, deu a benvida e desexou sorte á nova edil na súa nova etapa.