Máis de 700 persoas participan no Pazo do Bidueiro na Xuntanza de Maiores organizada polo Concello de Ordes

Ágape dos maiores participantes

Algo máis de 700 persoas de cada unha das 13 parroquias do municipio de Ordes participaron hoxe na popular Xuntanza de Maiores. O lugar escollido para tal celebración foi o Pazo do Bidueiro, onde se celebrou unha misa que estivo seguida dunha sesión de baile coa que os asistentes foron abrindo o opetito. Empanada, polvo, carne, bo viño, café…. Non faltou de nada nesta cita á que tamén acudiron todos os membros do equipo de goberno e a maioría da corporación municipal. Para os maiores de Ordes o seu alcalde, Manuel Regos, tivo unhas palabras de agradecemento “non só pola súa asistencia senón sobre todo polo esforzo e apoio que moitos prestan no ámbito familiar para axudar nestes tempos tan difíciles”. Tras o convite os arredores do gran comedor do pazo convertíronse novamente nunha gran pista de baile, onde todos se divertiron e disfrutaron a ritmo de pasodobres, cumbias, salsa, merengues e outros estilos musicais que axudaron a baixar o xantar.