Luisa Cid inaugura o primeiro Congreso Nacional de Formación de Oferta e Demanda

Luisa Cid durante a inauguración
A tenente de alcalde de Emprego e Empresa, Luisa Cid, inaugurou esta mañá o I Congreso Nacional de Formación de Oferta e Demanda, que se celebra dentro de Incoruña. A finalidade deste congreso é proporcionar coñecementos para xestionar con eficacia o sistema de bonificacións a través da Fundación Tripartita, así como outras axudas e subvencións procedentes dos Plans de Oferta Estatais.
O congreso está dirixido a directores de recursos humanos e profesionais usuarios da xestión da formación de oferta e demanda. Durante este encontro, os técnicos máis cualificados a nivel nacional do sector da formación de oferta e demanda mostraron as claves para a optimización dos recursos destinados á formación das organizacións, normativa vixente e novidades para 2013 e evolución e tendencias do sector da formación.