Limpeza de masa vexetal no Concello de Cerdedo

De acordo co establecido no art. 21 da Lei 3/2007 de prevención e defensa contra os incendios forestais, os propietarios ou arrendatarios de fincas que se atopen dentro dos núcleos de poboación ou nunha franxa perimetral de 50 metros arredor das últimas edificacións, deberán proceder á súa limpeza e á xestión da masa vexetal con anterioridade ao día 30 de xuño de cada ano.

No suposto de incumprimento, o Concello trasladará a denuncia á Xunta de Galicia e notificará individualmente ás persoas responsables a súa obriga, iniciando o correspondente procedemento sancionador para impoñer as multas que procedan e executar os traballos necesarios a costa do obrigado, podendo chegar ata o embargo das propiedades dos afectados.

Dado que leva varios anos sen producirse incendios na zona, a masa de vexetación é abundante polo que o risco de que poida arder este ano é moi superior, e como a Xunta de Galicia reducíu a franxa de seguridade de 100 metros a 50, vaise realizar un seguimento intensivo para garantir que estas zonas se atopen correctamente desbrozadas.