José Manuel Rey Varela asina un convenio de colaboración coa Escudería Ferrol

Sinatura do convenio coa escudería

O alcalde de Ferrol, Jose Manuel Rey Varela, asinou hoxe un convenio de colaboración coa Escudería Automobilística Ferrol. No acto da firma, que tivo lugar no Salón de Recepcións da Casa Consistorial, estivo presente a concelleira de Deportes, Susana Martínez Galdós; e o presidente da entidade deportiva, Pedro Amado López.

Na súa intervención, o rexedor municipal agradeceu “a iniciativa dun gran evento que move a máis de 400 persoas para a súa organización e que este ano chega á súa 44 edición”. Ademais, o primeiro edil salientou que estes dous datos son “os que garanten a calidade, a estabilidade e que cada verán contemos cunha gran proba automobilística na nosa cidade o que nos permite situar a Marca Ferrol no ámbito deportivo”. A achega municipal é de 20.000 euros.

Pola súa banda, o presidente da Escudería Ferrol agradeceu a sinatura do convenio “porque hoxe en día sen o apoio das institucións é imposible organizar un evento como o Rally de Ferrol”.