Enviar a un amigo
Opinar
ImprimirIntercambio de escolares, en Maio, mes da lingua
Os 3 Centros de Ensino de Infantil e Primaria do norte de Pontevedra: CEIP de Parada- Campañó, CEIP San Benito de Lérez e CEIP Santo André de Xeve organizan mañá un intercambio lingüístico co CEIP Felipe de Castro, de Noia.
Mañá partirán a Noia 52 escolares de 5º e 6º de primaria dos 3 centros pontevedreses, e o 6 de xuño Pontevedra recibirá os 50 estudantes de 5º de primaria do CEIP de Noia.
A Concellaría de Normalización Lingüística colabora con este programa que ten ente os seus obxectivos dinamizar o uso do galego entre os escolares, usaren a lingua galega para coñecer nova xente, asociar o uso do galego aos contornos urbanos, prestixiar o uso da lingua e descubrir as siimilitudes e diferenzas entre o galego falado en Noia e en Pontevedra.
Este intercambio lingüístico está incluído na programación de Maio, Mes da Lingua.
O programa da saída a Noia é o seguinte:
De Xeve ás 9:15 h.
De Lérez ás 9:30 h.
De Campañó ás 9:45 h.
Os alumnos/as dos colexios de Campañó, Lérez e Xeve convivirán en Noia cos alumnos/as do colexio Felipe de Castro desprazándose a diversos lugares da comarca de interese natural e cultural.
