Gondomar entrega os premios do segundo sorteo da campaña “Presume de praceiro/a”
A concelleira de comercio, Paula Bouzós, participou esta mañá na segunda entrega dos premios da campaña Presume de praceiro/a, posta en marcha pola Consellería de Economía e Industria e que ten por obxectivo poñer de relevo a figura profesional dos praceiros, ao tempo que se potencian as prazas de abastos como pezas clave no tecido comercial e na dinamización de vilas e cidades.
O primeiro sorteo celebrouse o pasado día 12 de abril, e hoxe tivo lugar o segundo. Tres usuarios do mercado municipal resultaron gañadores de cheques de compra por valor de 75, 50 e 25 euros para ser gastados na propia Praza de Abastos de Gondomar.
O mellor ‘praceiro’ ou ‘praceira’ de Gondomar sairá do reconto de todos os votos, que dende o pasado 18 de marzo se viñeron recollendo e, darase a coñecer nas vindeiras semanas.