Fernández presenta as actividades de dinamización do San Xoan máis completo da historia

A tenente de alcalde de Cultura, Ana Fernández, presentou esta mañá a programación especial de San Juan que se estenderá por todos os cantos da cidade. “Se trata de que toda A Coruña ula a San Juan e que todos os veciños e visitantes vivan a gran festa do lume, a música e o mar. Dende Monte Alto ata Mesoiro, dende a rúa Barcelona ata a praza de Vigo; pasando polo Obelisco, Os Mallos ou a praza de Lugo”, destacou Fernández.

A iniciativa, que se desenvolverá entre o 15 e o 24 de xuño, ten dous obxectivos fundamentais: “O primeiro é a dinamización dos barrios e zonas comerciais da cidade. O segundo, é atender especialmente aos máis pequenos e axudar ás familias na conciliación laboral e familiar por iso deseñáronse numeros espectáculos e iniciativas”, explicou.

Así, as actividades nos barrios consistirán en grupos de animación e iniciativas dirixidas aos máis pequenos como pasacalles con cabezudos e monicreques. En concreto, distribuirase da seguinte forma:
. Luns 17 de xuño: Novo Mesoiro (de 18.30 a 20.30 horas).
. Martes 18 de xuño: San Diego (de 18.30 a 20.30 horas).
. Mércores 19 de xuño: Campo de Marte (de 18.30 a 20.30 horas).
. Xoves 20 de xuño: Praza Elíptica (de 18.30 a 20.30 horas).
. Venres 21 de xuño: Parque de Oza (de 18.30 a 20.30 horas).
. Sábado 22 de xuño: Praza de Mariñeiros (de 12.00 a 14.00 horas) e Obelisco (de 18.30 a 20.30 horas).
. Domingo 23 de xuño: Parque de Vioño (de 12.00 a 14.00 horas).

Respecto á dinamización nas zonas comerciais, as actividades desenvolveranse así:
. Luns 17 de xuño: Vos Mallos – Anxo Senra (de 19.00 a 20.15 horas).
. Martes 18 de xuño: rúa Barcelona (de 19.00 a 20.15 horas).
. Mércores 19 de xuño: praza de Lugo (de 19.00 a 20.15 horas).
. Xoves 20 de xuño: zona Obelisco (de 19.00 a 20.15 horas).
. Venres 21 de xuño: zona peonil A Gaiteira (de 19.00 a 20.15 horas).
. Sábado 22 de xuño: praza de Vigo (de 12.30 a 13.45 horas).
. Domingo 23 de xuño: Riazor (de 12.30 a 13.45 horas).

“O obxectivo é que as zonas comerciais se convertan nun dos epicentros do San Juan, ao igual que a praia, as sardiñadas e as festas nos barrios. De feito, un sanjuanero achegará a veciños e visitantes as tradicións da nosa gran festa. Tamén haberá zancudos, chuspe lumes, moita música e, ao final, maxia na rúa”, destacou a concelleira, que anunciou que a iniciativa de dinamización contará cunha xornada de festa nos xardíns de Méndez Núñez: “Se trata dun dos grandes espazos naturais da cidade que este Goberno municipal se propuxo poñer en valor sempre que hai ocasión, igual que as praias ou o parque de Santa Margarida”, explicou.

Así, o sábado 22 de xuño, os xardíns de Méndez Núñez acollerán unha xornada lúdica dende as 12 do mediodía ata as nove e media da noite.

O labirinto máxico. De 12.00 a 14.00 horas.
Trátase dunha actividade lúdica do xogo da gansa nun taboleiro xigante. Así, os nenos, que participarán por equipos dirixidos por un educador, irán participando en probas e xogos asignados a cada casa, descubrindo a historia, lendas e tradicións que acompañan á celebración da noite de San Juan.

A lenda dos elementos. De 17.00 a 19.00 horas.
Talleres que propoñerán distintas actividades relacionadas coa celebración de San Juan. Estarán relacionados cos catro elementos: terra (con actividades sobre o ramo de San Juan); lume (elaboración de colgantes en forma de cacharela ou chama); aire (xogos para descubrir a forza e a importancia do vento ademais das precaucións que debe tomar a noite de San Juan ante este fenómeno atmosférico); auga (a través dunha ginkana descubrirán a importancia da auga e o seu papel na lenda da noite máxica).

Concerto Linho do cuco. De 20.30 a 21.30 horas. O grupo presentará o seu traballo As Alegrías, nun concerto para todos os públicos que subirá ao escenario a oito músicos e instrumentos de todo tipo como o bombo, tambor, pandeiretas, gaitas, acordeón, zanfoña, óboe ou frauta.

“Podemos dicir sen ningunha dúbida que se trata do San Juan máis completo da historia. Cada rúa será a rúa de San Juan, cada barrio será o barrio de San Juan, cada comercio será o comercio de San Juan e cada coruñés, cada visitante, será sanjuanero. Grazas a todo isto, a cidade converterase unha vez máis no referente festivo nacional e internacional, destacou Ana Fernández que recordou que se repartirán máis de 2.000 carteis e 75.000 programas en castelán, galego e inglés.

“O noso obxectivo é que todo o mundo sinta San Juan, que todos sexan partícipes sen importar a súa procedencia ou idade, por iso facemos un especial fincapé na programación para os máis pequenos que terán o seu gran día o propio 24 de xuño, este ano por primeira vez festivo”, explicou Fernández e engadiu: “Ademais, non poden esquecérsenos a grande aposta pola música con Alejandro Sanz, Homes G e a gran verbena liderada pola Orquestra Panorama. Pero sen dúbida, a aposta máis novidosa e importante para os nosos grupos locais é o Festival Bipolar que subirá ao escenario a máis de 50 músicos “.