Corte de tráfico na rúa de San Pedro, praza da Cruz de San Pedro e Concheiros

Con motivo da celebración da Feira da Primavera no barrio de San Pedro, o vindeiro sábado, 4 de maio, a rúa de San Pedro, a praza da Cruz de San Pedro e Concheiros quedarán cortadas ao tráfico dende as 8.00 ás 00.00 horas. Prohibirase o estacionamento nas devanditas rúas desde as 22.00 horas do venres 3 ata as 00.00 do domingo día 5.

A praza da Cruz de San Pedro quedará para o acceso dos vehículos dende a costa do Vedor e rúa Fraguas cara a rúa Lagartos e a rúa Angustia. En canto á rúa Concheiros, malia quedar prohibido o tráfico, permitirase o acceso aos garaxes durante toda a xornada, así como aos vehículos de carga e descarga ata as 10:30 horas.

Os vehículos que queiran incorporarse á rúa de Betanzos e Bonaval accederán dende a intersección de Rodríguez de Viguri – Concheiros pola rúa da Angustia, na que se invertirá o sentido de circulación.

Os vehículos que saian da rúa do Medio farano por travesa de San Pedro cara Belvís.

Os vehículos procedentes da rúa Campo do Forno sairán pola rúa das Chufas cara a rúa Lagartos.

Todos estas prohibicións e cambios de sentido estarán debidamente sinalizados.

O Concello de Santiago de Compostela prega aos cidadáns desculpen as molestias que estas alteracións no tráfico lles poidan ocasionar.