Cee concede os premios ao mellores relatos do II Certame de Relato Curto “Igualando a lingua”

O Concello de Cee outorgou onte os premios aos mellores relatos do II Certame de relato curto “Igualando a lingua”, a través do Servizo de Normalización Lingüística. Finalmente, o primeiro premio foi concedido a David González Iglesias (Ourense) polo relato “Harmonía de solpor na ribeira”, valorado en 150 euros; o segundo premio recibiuno Alba Sánchez Ares (Santiago de Compostela) polo relato “Verbas no tempo”, por importe de 100 euros e o terceiro premio foi asignado a Pedro Naveira Pedreira (A Coruña), polo relato “As cousas como son…de seu”, valorado en 50 euros. O fallo do tribunal levouse a cabo esta semana, coincidindo coa celebración das Letras Galegas e co 150 aniversario da publicación de Cantares Gallegos.