“Buscando estrelas TV” en Santa Comba
Santa Comba acolleu este martes 22 de maio varias actividades culturais que se desenvolveron no multiusos. A escola de teatro infantil do concello de Santa Comba representou a obra “Buscando estrelas TV”.
Despois desta actuación tivo lugar a entrega dos premios do concurso “As nosas letras”. Os diplomas e agasallos foron entregados pola concelleira de cultura, Maria Pose, e polas directoras dos colexios Pepe de Xan Baña e Barrié de La Maza.
Posteriormente proxectouse un vídeo biográfico sobre Roberto Vidal Bolaño. No multiusos inaugurouse neste dia unha exposición sobre o dramaturgo homenaxeado, e que estará aberta ata os primeiros dias de xullo.