As precatas finais do viño de Barrantes realízanse o 28 e 29 de maio, coa participación de 50 caldos

A Festa do Viño Tinto do Salnés prosegue para os colleiteiros da comarca. Hoxe  e para os viños autóctonos e para os colleiteiros que queren vender o viño nos stands da carpa da festa, mentres que próximo martes e mércores celébranse as precatas para clasificar os doce viños tipo Barrantes para a final.

As precatas do martes e mércores serán no Centro Social de Barrantes ás 22.00 horas.  Participarán 50 viños tinto tipo Barrantes, que intentarán clasificarse para a final do sábado 1 de xuño na Carballeira de Barrantes. Nas catas por parroquias participaron preto de 200 caldos.

Na categoría de viños autóctonos, presentáronse 30 viños a concurso. A primeira cata desta categoría realizarase hoxe  no Centro Social de Barrantes, ás 20.00 horas. As catas finais faranse o sábado 1 de xuño na Carballeira de Barrantes. A Festa do Viño Tinto do Salnés adquire ano tras ano maior protagonismo entre os colleiteiros da comarca, que presentan os seus viños tinto tipo Barrantes e de variedades autóctonos co fin de demostrar que son os mellores caldos do ano. O nome dos gañadores coñeceranse durante a comida oficial da festa, que se celebra o sábado no Pavillón Municipal de Barrantes.

Comida de confraternidade

Por outra banda, xa están á venda as entradas para acudir á tradicional comida de confraternidade da Festa do Viño Tinto do Salnés, o sábado  1 de xuño. As persoas interesadas en participar poden atopalas nos lugares de costume en Barrantes, en Nova Galicia Banco, Banesto, na cafetería Che e Comercial Agrícola Piris. Estarán á venda ata o xoves 30 de maio.

A comida celébrase o sábado 2 de xuño no pavillón de Barrantes, con capacidade para aproximadamente 700 comensais. O prezo do cuberto é de 25 euros e o menú está composto por polbo, empanada, carne ao caldeiro, viño tinto e fresas ao viño. Durante esta comida daranse a coñecer os nomes dos mellores colleiteiros de viño autóctono e da variedade Tinto de Barrantes da tempada.