Andainas do Concello de Rianxo para o mes de maio

O Servizo de Deportes do Concello de Rianxo organiza dúa andainas. Os traslados para as actividades serán en autobús desde Rianxo e teñen preferencia os participantes nas actividades deportivas municipais:

Río Pedras – A Portela PRG-91 (Pobra do Caramiñal)

O 25 de maio, dirixida a adultos (maiores de 14 anos e menores acompañados). O percorrido vai paralelo ao río Pedras e ten como puntos principais de interese muíños, as piscinas fluviais, pontes medievais,…

O nivel de dificultade é medio e o percorrido é de aproximadamente 22 quilómetros.

Sendeiro Fluvial de Catoira e Torres do Oeste

Dirixida a maiores de 50 anos e 3ª idade, o sábado 1 de xuño faremos unha saída a pé na que percorreremos parte do curso de río Ulla. O sendeiro parte desde a desembocadura do río, preto do casco urbano de catoira e finaliza na antiga telleira no linde co concello de Valga.

O nivel de dificultade é baixo e o percorrido é de aproximadamente 5 quilómetros. Ó longo do percorrido poderemos atopar dferentes monumentos como as torres do oeste, muiños asi como unha paisaxe fluvial que nos acompañará o longo do sendeiro.