Alumnas do curso de Atención Socio Sanitaria da OMIX visitan a Residencia Vila do Conde de Vilaza

Alumnas, de entre 18 e 40 anos, do curso de Atención Socio Sanitaria á terceira idade, organizado pola OMIX de Gondomar, visitaron na mañá de onte a Residencia Vila do Conde de Vilaza.

Acompañadas pola docente do curso e polo concelleiro de Xuventude, Ignacio Troncoso, percorreron durante unha hora as instalacións da Residencia na que o próximo día 10 de xuño darán comezo as prácticas desta actividade.

O curso de Atención Socio Sanitaria deu comezo o pasado 6 de maio.Troncoso recoñece que “o curso está a funcionar moi ben, tanto por parte do alumnado como polo profesorado”. Ademais, agradece ao equipo da Residencia Vila do Conde a súa amabilidade e a atención recibida durante a visita.

Este curso á terceira idade xurdiu ante a necesidade de ofrecer unha alternativa de formación no ocio e tempo libre e especialización no traballo co colectivo das persoas maiores. Deste xeito, dáse, así, resposta á demanda deste tipo de formación, axudando a conseguir unha mellora do uso e desfrute do tempo libre dos maiores á vez que se consegue un incremento na calidade de vida dos nosos maiores.