Acondicionamento de praias no Concello de Porto do Son

O Concello de Porto do Son ven de realizar labores de acondicionamento das praias urbanas do Cruceiro, en Porto do Son e Coira en Portosín, para deixalas en perfecto estado de uso de cara á época estival.

A chegada do bo tempo está propiciando que os veciños empecen a facer uso dos areais, e a prolongación da tempada de mal tempo motivou que os mesmos se atopen en malas condicións para o seu uso.

Na Praia do Cruceiro, a area estaba a invadir o paseo e a zona de recreo adxacente debido os fortes ventos que aconteceron recentemente. Procedeuse neste caso á retirada da area nesas zonas e limpeza e rasanteo da praia.

Na praia de Coira realizouse a limpeza de maleza que invade a zona do areal, e procedeuse tamén á limpeza e rasanteo da mesma.