Aberto o prazo de inscrición para os novos cursos de informática organizados polo Concello de Ordes

O Departamento de Cultura e Deporte do Concello de Ordes pon en coñecemento de toda a veciñanza que acaba de abrir o prazo de inscrición para os novos cursos de informática. Os interesados simplemente deben facilitar os seus datos no mesmo Concello, así como especificar o nivel do que queren adquirir novos coñecementos. Está previsto que de cara ao vindeiro mes de maio de comenzo este novo ciclo formativo, cuxas clases se desenvolven na aula de informática da Casa da Cultura. Ao seu remate os alumnos e alumnas participantes recibirán un título acreditativo.