A Mesa Local de Comercio reúnese para tratar unha solicitude de subvención do CCU
A Mesa Local de Comercio de Monforte celebrará mañá, ás 16:00 h. na Casa do Concello, unha reunión na que someterán a aprobación a solicitude dunha subvención para o Centro Comercial Urbano.
Á reunión convocouse ós/ás seguintes membros da Mesa:
– Raquel Arias, Delegada da Xunta de Galicia
– Severino Rodríguez , Alcalde-Presidente do Concello
– Mª José Vega Buján, Concelleira de Promoción Económica
– Mª Pilar Iglesias Osorio, Presidenta da Asociación de Consumidores e Usuarios “En Marcha”
– Mª José Senra Sánchez, Presidenta do CCU de Monforte
Segundo estipula a Lei, a solicitude de axudas destinadas ó sector comercial que se fagan á Xunta de Galicia deberán ser informadas previamente pola Mesa Local de Comercio.
A Mesa de Comercio é un órgano colexiado de participación, coordinación, cooperación e colaboración entre a administración local e os axentes representativos do sector comercial.