Servizos Sociais de Ribadumia tramita as prestacións económicas por fillos menores de 3 anos

O departamento de Servizos Sociais de Ribadumia tramita as solicitudes para as prestacións autonómicas que se conceden por fillos menores de tres anos. Trátase dunha axuda de pagamento único de 360 euros por cada fillo menor de 3 anos, para a que se esixen os seguintes requisitos: residir na comunidade autónoma galega; ter ao seu cargo fillos menores de tres anos a data 1 de xaneiro de 2013; que na data de solicitude os nenos convivan coa persoa solicitante; e que ningún dos membros da unidade familiar estivera obrigado a presentar a declaración da renda nin a teña presentado de xeito voluntario.

O prazo para presentar as solicitudes remata o 9 de maio. Presentaranse no rexistro das xefaturas territoriais da Consellería de Traballo e Benestar ou ben no departamento de Servizos Sociais do Concello de Ribadumia. A documentación que deben aportar xunto coa solicitude é fotocopio do DNI dos pais, do libro de familia, certificado de convivencia e certificación bancaria.