Santiago organiza rutsa didácticas polas parroquias de Villestro, Figueiras e A Peregrina

Para este sábado, 13 de abril, está prevista unha nova ruta didáctica do programa “Cultura Viva. Fai túa Compostela”, promovido pola Concellaría de Centros Socioculturais e Participación Cidadá. Ás 10:50 horas partirá da Casa das Asociacións de Cornes un microbús cos 20 participantes na ruta denominada “Parroquias II, Villestro, Figueiras e A Peregrina”. O concelleiro de Centros Socioculturais, Francisco Noya, participará neste percorrido.

Será un percorrido por estas tres parroquias que permitirá aos participantes obter unha visión panorámica do seu patrimonio, paisaxe cultural, entorno e poboamento. A ruta ten unha duración de dúas horas e media.

Cómpre lembrar que todas as rutas do programa están completas dende hai tempo, confirmando a resposta positiva que os diversos itinerarios tivo entre os veciños e veciñas de Compostela. Moitas destas rutas xa levan días con listas de agarda.

Máis información e inscrición nos centros socioculturais:

CSC de Conxo 981 528 740

CSC do Ensanche 981 543 001

CSC das Fontiñas 981 528 750

CSC do Castiñeiriño 981 542 459

CSC de Vite 981 542 490

CSC de Santa Marta 981 543 017