Obradoiros de técnicas na prevención de situación de dependencia en Dodro

Un instante do obradoiro

O pasado martes iniciáronse os obradoiros de técnicas na prevención de situacións de dependencia organizadas pola concellería de servizos sociais e igualdade de Dodro dentro do programa Amodiño.

A concelleira de servizos sociais e igualdade, Marisol Boga, realizou a presentación destas técnicas sinalando que os principais obxetivos son reducir a tensión física e mental, previr doenzas e conseguir benestar físico.

As 20 prazas ofertadas están todas cubertas por veciñas/vos que poderán relaxarse dous días á semana ata o 9 de maio.