O tirador José Antonio Saavedra impartirá unha conferencia en Carral

José Antonio Saavedra Reinado, medalla de prata na modalidade de tiro nas Paralimpiadas de Londres 2012, impartirá o próximo 25 de abril unha conferencia sobre a súa experiencia como deportista de elite e moi especialmente nos últimos Xogos.

Esta charla está incluída dentro do programa “Espello Deportivo”, promovido pola Deputación e a Xunta de Galicia, desenvólvese en varios concellos da bisbarra e ten como principal obxectivo impulsar o uso da lingua galega no mundo do deporte. O deportista pontevedrés de 39 anos, conseguiu a medalla de prata na disciplina de Tiro Olímpico na categoría R6 nos Xogos Paralímpicos de Londres 2012, con 694,6 puntos, quedando a só 2 décimas do ouro. Esta é a 4ª medalla para tiro olímpico español en toda a historia das Paralimpiadas. Ademais de en Londres, participou tamén nos Xogos de Sidney (2000) e en Atenas (2004) onde xa conseguiu un 4º posto na categoría R5.

A charla comezará ás 11.30 h na Casa da Cultura de Carral e nela Juan Antonio Saavedra expoñeranos o seu traballo e esforzo, tanto no día a día coma no mundo da competición deportiva. Estarán presentes o propio deportista, o actor Rubén Ríos como presentador do acto, e o concelleiro de deportes. Entre os asistentes contaremos con alumnos do CPI Vicente Otero Valcárcel, membros do club de tiro olímpico da localidade e público en xeral que desexe coñecer algo máis desta disciplina deportiva.