O servizo de reparación de viarios de Ferrol amplía ás súas actuacións á Praza de España

Inicio das tarefas de melloras viarias

O servizo de Obras, Reparación e Mantemento de Viarios e Beirarrúas do Concello de Ferrol leva a cabo intervencións de aglomerado en asfaltado nos barrios de Ultramar e Ferrol Vello; e na zona da praza de España. En concreto, no caso da praza de España, os operarios da empresa “Misturas S.A”, empresa adxudicataria da prestación municipal, comezou a primeira hora desta mañá o asfaltado na saída do túnel da praza, á altura da Biblioteca Municipal.

Así mesmo, a planificación de obras para a xornada de hoxe tamén inclúe a continuidade nas tarefas de mantemento en Ferrol Vello e Ultramar. No caso de Ultramar, as tarefas que se executan son as que quedaron pendentes dentro do Plan de Barrios debido ás malas condicións climáticas da semana pasada.