O Secretario Xeral para o Depote reuniuse cos medallistas da Federación Galega de Loita

O secretario xeral para o Deporte, José Ramón Lete Lasa, expresou hoxe o seu recoñecemento á Federación Galega de Loita (FGL) por ter feito de Galicia un “referente nacional” deste deporte. Lete Lasa reuniuse hoxe cos deportistas da FGL que obtiveron medalla no Campionato de España de 2013.

Na súa intervención, o secretario xeral para o Deporte puxo de relevo o labor desenvolvido pola federación na promoción do deporte feminino, que ten outorgado á loita galega o título de campión de España por autonomías en todas as categorías: senior, junior, cadete e escolar.

Lete Lasa transmitiu os seus parabéns ao loitadores que obtiveron medalla no Campionato de España, dos que salientou o seu “esforzo” e “espírito competitivo”. Grazas aos seus resultados, dixo, a loita ocupa hoxe en día un posto destacado no podium galego e, tamén, no nacional.

Á recepción co secretario xeral para o Deporte asistiron representantes dos clubs de loita das catro provincias. Así, da cidade de Vigo, asistiron o Club de Loita San Ignacio, o Club de Loita Kuzushi, o Club de Loita Ciudad de Vigo, o Club de Loita Castro de Vigo e o Club de Loita Saudade de Vigo. Tamén, da provincia de Pontevedra, participaron na xuntanza o Club de Loita Sabarís de Baiona, o Club de Loita Pontevedra, e o  Club de Loita Keltoi de Vila de Cruces. Da Coruña, asistiron representantes do Club de Loita Escuela Ayude de Melide, do Club de Loita Touro, e do Club de Loita Stellae de Santiago de Compostela. E, finalmente, desde Lugo, desprazáronse membros do Club de Loita Rábade de Lugo, o Club de Loita Lugo e o Club de Loita Vilalba.