O polideportivo municipal dos Rosales acolle o Trofeo Nacional Teresa Herrera de Halterofilia

A Concellaría de Deportes informa de que o polideportivo municipal dos Rosales acolle entre hoxe e mañá sábado o Trofeo Nacional Teresa Herrera de Halterofilia, un evento deportivo que engloba tres competicións: o 5º Trofeo Nacional Roberto Vidal; o 28º Campionato de Galicia Júnior e Absoluto; e o 18º Campionato Nacional Universitario.

– 5º Trofeo Nacional Roberto Vidal. Clasificatorio para o Campionato de Europa sub-17, competirán 36 deportistas entre categoría masculina e feminina.

– 28º Campionato de Galicia Júnior e Absoluto. Clasificatorio para o Campionato de España Júnior e Campionato de España Absoluto (masculinos e femininos), participarán 64 deportistas que teñen acreditada a marca mínima para poder acceder aos rexionais.

– 18º Campionato Nacional Universitario. É clasificatorio para o Campionato do Mundo Universitario e participan 58 deportistas entre categoría masculina e feminina.