O Fórum acolle a presentación dun libro con propostas urbanísticas para Carballo

A nave 1 do Fórum Carballo acolle a partir das 17.00 horas a presentación dun libro da UDC (Universidade da Coruña) no que se recollen as propostas urbanísticas do alumnado da Escola Técnica Superior de Arquitectura (ETSA) para a capital carballesa. Estas conclusións xurdiron durante a celebración nunhas xornadas celebradas no Fórum no ano 2012. Está prevista a presenza na cita do Alcalde, Evencio Ferrero; da Concelleira de Desenvolvemento Urbano, Milagros Lantes; de membros da corporación e de profesorado da ETSA.