O equipo redactor entrega o PXOM axustado aos informes dos técnicos municipais

O Plan Xeral de Ordenación Municipal (PXOM) encóntrase de volta nas instalacións municipais, tras ser axustado por parte da empresa redactora aos informes elaborados polos técnicos municipais. “Tras os informes técnicos e xurídicos realizados por persoal municipal nos últimos meses do pasado ano, a empresa redactora presentou un documento adaptado aos devanditos informes, listo para ser levado á súa aprobación inicial,” avanza o rexedor municipal, Alberto Valverde.

Nas próximas semanas, procederase a convocar o pleno para levar o PGOM á súa aprobación inicial, así como á celebración das reunións informativas por parroquias previas á súa aprobación inicial, adiantadas nos meses anteriores por Valverde. “En canto teñamos un calendario pechado, procederemos a informar a todos os veciños do calendario destas, co fin de explicar parroquia por parroquia, o contido do documento,” agrega.