O Coro Liceo Vilagarcía actúa na igrexa de Santa Baia dentro do ciclo de Pascua

O ciclo de Concertos de Pascua iniciado en Semana Santa remata mañá, venres 12 de abril, coa actuación na igrexa parroquial de Santa Baia de Arealonga do Coro Liceo Vilagarcía. O ciclo, que consistiu en tres concertos celebrados en fins de semana consecutivos organizouse a iniciativa da Coral Máximo Patiño de Vilaxoán, o Coro Liceo Vilagarcía e soprano Loli Crespo e o pianista Alejo Amoedo, maila colaboración da Concellería de Cultura. O ciclo enmarcouse nos actos conmemorativos do Centenario da fusión dos concellos de Vilagarcía, Carril e Vilaxoán e por iso, nas fins de semanas previas, celebráronse concertos nos templos Santiago Apóstolo e San Martín de Sobrán. No primeiro dos casos acuaron Loli Crespo e Alejo Amoedo, e en Vilaxoán o concerto correu da man da Coral Máximo Patiño.

O colofón a esta primeira edición dos Concertos de Pascua porano os membros do Coro Liceo de Vilagarcía que actuarán na igrexa de Santa Baia de Arealonga o venres, 12 de abril, a partir das 20:30 horas. A formación que dirixe Margarita Guerra actuará co acompañamento ao órgano de Alejo Amoedo. Para a ocasión interpretarán para un programa composto pola Misa brevis St. Joanis de Deo, de F. J. Haydn; Cantata BWV nº 30, de J. S. Bach; a Cantata BWV 147- Coral, de J.S. Bach; La Forza del destino, de G. Verdi, na que intervirá Beatriz Vázquez como cantate solista; o Requiem KV626, de W. A. Mozar; o Requiem de A. Ll. Weeber e que interpretarán as sopranos Loli Crespo e Marian Rodríguez; e o Gloria en Sol M RV 589, de A. Vivaldi.