“Nanocontos” para conmemorar o mes do libro nas bibliotecas municipais de Carral

A Biblioteca Municipal comeza esta semana coas actividades programadas en abril, mes do libro. Este mércores, 17 de abril ás 17:00 horas na biblioteca infantil, Raquel Queizás presentaranos “Nanocontos”, un espectáculo que estimula as habilidades de percepción espacial e psicomotricidade dos bebés a través de pequenas historias. Está dirixido aos máis pequenos da casa, a nenos e nenas de 0 a 3 anos. Esta actividade encádrase dentro do programa Ler conta moito da Secretaría Xeral de Cultura da Consellería de Cultura, Educación e Ordenación Universitaria.