Monforte ofrece xornadas de iniciación ó mergullo deportivo en “bautismo de mergullo”

O concello de Monforte organiza unha xornada de iniciación ó mergullo deportivo que terá lugar o sábado día 11 de maio na Piscina Climatizada Municipal.

A actividade, dunha hora de duración, consiste nun “Bautismo de Mergullo” con equipo autónomo de respiración, e ten como obxectivo dar a coñecer o deporte do mergullo cunhas nocións básicas.

O curso está dirixido a persoas maiores de 15 anos  que saiban nadar, e ten un custo de 18 € por persoa.

Tódolos interesados/as poderán inscribirse na Oficina Municipal de Deportes, nas Casiñas da Compañía, ou ben facer a inscrición a través de internet, descargando o modelo na web municipal e remitindoo cuberto correctamente á dirección de correo  deportes@concellodemonforte.com, achegando o xustificante de pago.

Os alumnos/as participantes dividiranse en grupos de 10 persoas que realizarán a actividade durante 1 hora. A confección dos grupos e os horarios de cada grupo notificaránselle ós alumnos/as nos días previos ó curso.

A tódolos alumnos/as que participen no curso tramitaráselle un seguro federativo para a actividade.

EQUIPO:

Os instrutores facilitarán o equipo necesario de mergullo que consta de  lastre, jacket, regulador e botella.

DESENVOLVEMENTO DO CURSO:

1º Presentación do curso.

2º Explicación por parte dos instrutores.

3º Reparto do equipo de mergullo a cada un dos participantes no curso.

4º Explicación e demostración en seco dos exercicios a realizar baixo a auga.

5º Práctica de respiración baixo a auga facendo pé no chan.

6º Práctica de exercicios co regulador.

7º Paseo polo fondo