Máis de 200 voluntarios apoiarán os 2.200 atletas do Maratón Coruña42

O Concello, a través das áreas de Seguridade Cidadá e Deportes, celebrou ás 19.00 horas desta tarde, a última reunión de coordinación para os máis de 200 voluntarios que participarán no II Maratón Atlántico Coruña42.

En concreto, analizouse detalladamente cada unha das dez zonas nas que se dividiu o circuíto, analizando as súas peculiaridades e dificultades. Cada unha estará coordinada por un voluntario. Ademais, o equipo médico, tamén trasladou as últimas puntualizacións en materia de asistencia sanitaria, facendo fincapé en aspectos relacionados coa detección de indisposicións nos atletas ou sobre como realizar unha primeira asistencia.

Entre as principais funcións que terán os voluntarios encóntranse a de control e vixilancia dos pasos peonís e circulación de vehículos e tamén a de dar alerta ao Centro de Mando en caso de calquera incidencia, así como realizar as primeiras asistencias sanitarias. Para iso, recibiron varios cursos de formación durante as últimas semanas, tanto no relativo ás comunicacións por raio coma no que respecta a primeiros auxilios.

Entre os voluntarios encóntrase persoal de Deportes do Concello, Protección Civil, Cruz Vermella, Arriaza e Asociados, técnicos municipais, e membros de distintas asociacións deportivas da cidade como: Real Sociedade Deportiva Hípica, Agrupación Deportiva O Silvato, Airiños dá Torre, Aspronaga, Adcor, Amespa, Obras Pías Salesianas Bo Pastor, Club Patinaxe Artística Brincadeira, Club 100Tolos Esgrima, Club Natación Coruña, Asociación Juan de Lángara, Moteiros Acción Solidaria Moto Club, MAIS MOTO CLUB Club Atletismo Riazor, Club Marineda Atlético, Club Bisbarra Coruña, CRAT, Club Arquitectura Técnica, así como outras persoas que decidiron colaborar a título persoal.

Dende o Concello agradécese a colaboración destes máis de 200 voluntarios que contribuirán á seguridade dos atletas na proba que se celebra este domingo, 21 de abril.