Igualdade pon en marcha o “Servizo de orientación e apoio a mulleres desempregadas”

PUBLICADO EN: Noticias de Galicia ► Local ► Vigo ▼
A-
A+

Este servizo está dirixido a mulleres adultas empadroadas en Vigo, con especiais dificultades de inserción laboral e que busquen apoio e orientación na procura dun emprego.

Obxectivos:

– Apoiar e acompañar ás mulleres con dificultades de inserción laboral.
– Individualizar as necesidades especiais das mulleres en situación de pobreza ou en risco de exclusión social, ofrecéndolles titorías individuais.
– Propiciar a creación de redes de mulleres como factor de sinerxia que favorece a comunicación, o intercambio de experiencias e o apoio no camiño da inserción laboral.
– Ofertar un espazo físico con recursos materiais e ferramentas informáticas necesarias para apoiar a busca de emprego.
– Apoiar a creación e titorización dun club de emprego integrado por mulleres desempregadas, que organicen de maneira autónoma, activa, planificada e sistemática a súa procura de emprego.

As mulleres interesadas poden contactar coa Concellería de Igualdade, 1ª planta da Casa do Concello, ou ben a través do tfno. 986 810 284, en horario de 8:00 a 14:00 h “.

8 de abril de 2013 | 17:12 • Sen comentarios

Comentarios pechados.