Finaliza a I Liga de Fútbol Sala Comunidade Intermunicipal Terras de Iria en Dodro

Foto de familia dos primeiros clasificados

O pasado 11 de abril disputouse no Pavillón Municipal de Dodro a final da I Liga de Fútbol Sala Comunidade Intermunicipal Terras de Iria.

Esta competición comezou en novembro e desenvolveuse nos pavillóns de Dodro, Padrón e Rois. Nesta edición participaron 17 equipos que se dividiron en dous grupos e xogaron unha liguilla para logo establecer os emparellamentos de dezaseisavos de final.

Na entrega de premios estiveron a Concelleira de Servizos Sociais de Rois “Mercedes Basante”, o Concelleiro de Deportes de Padrón “Andrés Sanmarco”, o Concelleiro de Deportes de Dodro “José Núñez” e o alcalde de Dodro “Valentín Alfonsín”.

No 3º e 4º posto impúxose o Karymo Peluqueros ó Toxiño. Na final, disputada entre Mayacos e Bellavista, logo de acabar o tempo regulamentario con empate a 3 no marcador, impúxose na ronda de penaltis o Mayacos. O trofeo á deportividade e de equipo menos goleado foi para O Toxiño. O trofeo ó maximo goleador foi para Óscar Garrido do Bar Gómez