Gondomar coñecerá os segredos do Método Hipopresivo

O Centro Neural de Gondomar acollerá o próximo venres día 3, ás 20.30 horas, a charla Método Hipopresivo: Saúde e Deporte. Será impartida por Aurora Costas, experta en saúde, nutrición e deporte.

O Método Hipopresivo

O Método Hipopresivo son un conxunto de técnicas sistémicas e posturais utilizadas por médicos, fisioterapeutas, matronas e outros profesionais da saúde para obter solucións eficaces en casos de incontinencia urinaria, determinadas disfuncións sexuais e algunhas patoloxías de columna, prevén hernias e é un excelente método pre e post parto.

Por outro lado a versión preventiva, estética e deportiva é aplicada por profesionais do exercicio físico e o deporte para conseguir diversos beneficios como a redución do perímetro de cintura, mellora a postura corporal e o rendemento deportivo, aumentando a función respiratoria.