Ferrol solicita ás entidades deportivas as súas propostas para a XXI Gala do Deporte Ferrolán

A Concellería de Deportes do Concello de Ferrol, dirixida por Susana Martínez Galdós, solicita ás entidades deportivas locais as súas propostas de deportistas que, segundo o seu criterio, son merecedores de ser premiados na XXI Gala do Deporte Ferrolán. A cerimonia de entrega dos premios e recoñecementos terá lugar o vindeiro 13 de xuño no Teatro Jofre.

No caso de ter algún nomeado para algunha das distincións, a entidade deportiva deberá presentar o formulario -incluído nas bases- ata o 10 de maio ás 14:00 horas no Rexistro Xeral do Concello de Ferrol. Compre lembrar que o rexistro municipal está aberto de luns a venres de 09:00 a 14:00 horas e os sábados de 09:00 a 13:00 horas.