Ferrol recibe ao redor de 40 propostas de actividades para o novo ardora

O concelleiro de Xuventude do Concello de Ferrol, Borja Carro Muñoz, informou hoxe de que a nova temporada do programa de ocio xuvenil Ardora conta con máis de 40 propostas de actividades e obradoiros, que foron presentados por un total de 19 persoas, asociacións, entidades e empresas de ocio e tempo libre.  Así as cousas, e unha vez rematado o prazo de presentación de suxestións, a Concellería de Xuventude seleccionará aqueles proxectos que máis se axusten ás preferencias dos potenciais usuarios deste programa, en función das posibilidades económicas e da viabilidade das propostas.

A Concello de Ferrol abriu o prazo para a presentación de proxectos para a nova edición de Ardora o 7 de marzo, pechándoo o día 26 do mes pasado. Ao igual que en edicións anteriores, o edil de Xuventude decidiu abrir á de entidades xuvenís, empresas e particulares a elaboración da nova programación do devandito programa; e a previsión é que os obradoiros poidan comezar no presente mes de abril.  Obradoiros de pinturas en miniatura, decoración de galletas, iniciación ao ioga, capoeira, taichi, baloncesto, teatro, cine, escritura, danza, karaoke ou fotografía, son algunhas das suxestións feitas por particulares e entidades á Concellería de Xuventude.