Cid reúnese cos representantes dos traballadores de Darty

Cid con representantes de Darty

A tenente de alcalde de Emprego e Empresa, Luisa Cid, reuniuse esta tarde con representantes dos traballadores de Darty, Iván Queijo e Sandra Fariñas, para escoitar as alternativas que barallan co fin de continuar coa actividade comercial das tendas da Coruña.

Aínda que durante o encontro Cid gabou a actitude dos traballadores que, entre outras propostas, consideran a posibilidade de crear unha franquía ou unha cooperativa xestionada por eles mesmos e continuar, deste xeito, xerando emprego na cidade, o tenente de alcalde de Emprego e Empresa deixou claro que a primeira opción sempre é a defensa dos postos de traballo.

A concelleira comprometeuse tanto a falar coa empresa coma a estudar a viabilidade das propostas realizadas polos traballadores. Neste sentido, Cid puxo á súa disposición o departamento que dirixe para axudarlles a elaborar un plan de empresa e analizar as posibilidades de futuro, sempre e cando os traballadores estean dispostos a emprender.