Caravana solidaria de tapóns no Baixo Miño

O almacén central de Vigo da rúa Merlo e o almacén da Ramallosa en colaboración co moto club Vespamiñor Scooter Club organizan a segunda caravana solidaria do Banco de Tapóns do Baixo Miño, para así colaborar cos cinco nenos desta nova campaña.

Sobre as dez da mañá, sairán dous camións da Ramallosa con destino a Tomiño, escoltados polas vespas, coa colaboración de Auga Sa e Froitas Sol.

O Banco de Tapóns pide a todo o mundo que achegue os tapóns a estes puntos antes do domingo. E invitan a todas as persoas a unirse á devandita caravana, en moto ou en coche.