Amplíase o prazo para visitar a exposición do Museo Pedagóxico de Galicia

A Concellaría de Cultura informa de que o prazo para visitar na Casa Museo Casares Quiroga a exposición do Museo Pedagóxico de Galicia (MUPEGA) se amplía ata o próximo 30 de abril. A mostra inclúe unha coidada selección de láminas, case todas de comezos do século XX e que forman parte do patrimonio educativo dos denominados institutos históricos de Galicia.