Almorzos saudables para escolares de Baiona, Gondomar e Nigrán

Mañá mércores 24 de abril, entre as 10.00 e as 12.00 horas, o Obradoiro de Emprego Terras do Miñor ofrecerá unha xornada de almorzos saudables a un total de 120 escolares dos concellos de Baiona, Gondomar e Nigrán.

Nesta actividade, coordinada a través da Mancomunidade do Val Miñor, os escolares asistentes participarán en talleres de pan e de froitas, ademais de recibir unha charla sobre as vantaxes dunha alimentación saudable.