AFAL Ferrolterra entrega os diplomas do Taller de Memoria para maiores de 60 anos

Participantes no taller de memoria

A presidenta da Asociación de Familiares de Enfermos de Alzheimer e outras demencias de Ferrolterra, Milagres Prieto, entregou esta tarde os diplomas do Taller de Memoria que organizou AFAL Ferrolterra entre os meses de febreiro e abril. No mesmo e impartido pola psicóloga da asociación, Sofía Bellón, participaron un total de dezaseis persoas maiores de 60 anos. Milagres Prieto agradeceu a asistencia de todos eles e avanzou a intención da entidade de retomar os talleres tras o verán, pero nesta ocasión coa idea de incorporalos á programación estable da asociación.

Así, a Xunta Directiva de AFAL valorará a posibilidade de impartilos durante todo o ano ou ben en períodos prolongados como o trimestre. Unha decisión que se tomará a teor da boa acollida dada polos usuarios participantes.

O acto de entrega dos diplomas tivo lugar na sede da asociación.