Adxudicada a concesión da cafetería “Saia da Carolina”

A cafetería municipal “A Saia da Carolina”, cunha situación actual estratéxica debido a súa localización en pleno corazón do casco histórico e en particular do Centro de Outlets, foi obxecto dun proceso de licitación pechado onte coa reunión da mesa de contratación.

A concesión foi adxudicada á única proposta presentada baixo ás condicións solicitadas, un servizo cun canon de 90.000 euros e un período de explotación durante 15 anos.

A proposta presentada inclúe servizo de hostalería con cociña (comidas, pinchos e tapas e menús infantís), zona wifi e un calendario de actividades durante todo o ano.