Aberto o prazo para solicitar a prestación económica por fillos menores de 3 anos

O Departamento de Servizos Sociais do Concello da Guarda informa que a partir do día 2 de abril ábrese o  prazo para solicitar a prestación económica de pagamento único para fillas e fillos menores de tres anos para o ano 2013.

Poderanse beneficiar desta axuda as persoas con fillos/as menores de tres anos, nacidos entre o 02 de xaneiro de 2010 e 1 de xaneiro de 2013 (inclusives) e   non  tivesen obriga de presentar a declaración do IRPF do ano 2011, nin se tivese presentado de xeito voluntario aínda sen estar obrigados.

O prazo para a presentación das solicitudes  rematará o día 11 maio 2013.

Para máis información e tramitación da axuda dirixirse ó Departamento de Servizos Sociais do Concello da Guarda. O horario de atención é de  9:00 a 13:00h, os luns, mércores e xoves.

Requisitos:

– Poderanse beneficiar desta axuda as persoas con fillos/as menores de tres anos, nacidos entre o 02 de xaneiro de 2010 e 1 de xaneiro de 2013 (inclusives).

– É requisito para a obtención da axuda que a unidade familiar  non  tivese obriga de presentar a declaración do IRPF do ano 2011, nin se tivese presentado de xeito voluntario aínda sen estar obrigados.

– A cuantía da axuda é de 360€ por fillo menor de 3 anos.

– A data límite para presentar as solicitudes é o 11 maio 2013.

– Tedes a vosa disposición no Departamento de Servizos Sociais, a solicitude e anexos necesarios para presentar.