A xunta de seguridade local de Allariz arroxa cifras positivas

O Concello de Allariz acolleu, esta mañá, unha reunión da Xunta Local de Seguridade, co-presidida polo alcalde de Allariz, Francisco García Suárez e o subdelegado do Goberno en Ourense, Roberto Castro García, e na que participaron membros dos Corpos e Forzas de Seguridade do Estado e da Policía Local de Allariz.

Previa aprobación da acta da Xunta de Seguridade do pasado 4 e xullo,, a reunión centrouse nos informes avaliativos dos datos que en materia de seguridade se produciron nos primeiros tres meses do an e que amosan unha importante baixada das infraccións. Os datos do primeiro trimestre con respecto ao mesmo período do ano anterior reflicten datos positivos en canto á seguridade cidadá.

O Alcalde de Allariz valora moi positivamente estes datos posto que “amosan ratios de seguridade máis baixos que na media galega ou mesmo estatal” e agradecía “o compromiso das Forzas e Corpos de Seguridade do Estado e da Policía Local na seguridade dos veciños da vila subliñando o seu traballo na prevención de infraccións.

O rexedor fixo fincapé na campaña de verán, na que se establecerán operativos de coordinación entre Policía Local e Garda Civil, para reforzar os eventos masivos, tanto culturais como deportivos, como a Festa do Boi, entre outros.

Pola súa parte o Subdelegado do Goberno, Roberto Castro, valorou con optimismo os resultados que se expuxeron na xunta, anque apelou á prudencia dos mesmos “xa isto reafirma o bo traballo desenvolvido polas Forzas e corpos de Seguridade do Estado e da Policía Local”; pero matizou que “a pesar das boas estatísticas non debemos baixar a garda e precisamos manter o nivel de esixencia en todo o referido á seguridade dos cidadás.”