A veciñanza de Neda entregou no Punto Limpo 140 quilos de residuos en marzo

O Concello de Neda deu a coñecer esta mañá o balan-ce de actividade do servizo de Punto Limpo no mes de marzo e avanzou que os veciños e veciñas da localidade fixeron entrega de 140 quilos de residuos. E, se-gundo o balance, electrodomésticos e entullos encabezan o ránking de residuos entregados. Nesta liña, o Concello invita á cidadanía a continuar utilizando as instalacións, ubicadas na Estrada de Castela, xunto ao cemiterio de Ferrol e fren-te ao Hospital Novoa Santos. O Punto Limpo permanece aberto de luns a venres de 10 a 14 e de 17 a 19,30 horas e, os sábados, de 10 a 13 horas. Calquer veciño de Neda pode entregar os seus residuos acreditando o seu empadronamento a través da presentación do DNI.

O Punto Limpo é unha instalación especial onde depositar de forma gratuíta aqueles residuos que, polo seu gran volumen ou perigosidade, deben recibir un tratamento especial distinto do verquido. Así, no interior das instalacións existe un colector para cada tipo de residuo, de forma que a cidadanía ten claramente identificado onde debe facer cada depósito. ¿Que residuos se poden entregar? Dende aceites minerais e vexetais a electrodomésticos, aeorosois, baterías, es-combros, plásticos, tóner de impresoras, disolventes… Unha longa lista de ata 26 categorías diferentes.