A OMIX de Tomiño impulsa un proxecto intercultural cunha ONG de India

A Oficina Municipal de Información Xuvenil (OMIX) impulsa un proxecto intercultural cunha ONG de India, que lle permitirá realizar un intercambio de cartas, debuxos, fotografías e vídeos entre nenos e nenas do país asiático e outros de Tomiño.

A iniciativa será coordinada polas dúas voluntarias europeas que están colaborando coa OMIX no marco do Servizo de Voluntariado Europeo, Iwona Domaszczynska e Marín Vomm. Estas explican que se trata de dar a coñecer as tradicións, costumes, idioma, etc. de cada un dos países e rexións. Aínda que pode participar calquera neno ou nena que o desexe, informarase sobre a iniciativa aos centros educativos da localidade por se quixeran participar.

A ONG coa que se realizará o intercambio é “WeCan Kindersley” (www.wecanworld.org), que traballa  en Jaipur
(Rajasthan, India) con población infantil en programas de educación.