A viguesa Antía Loira acada o décimo posto na Segre Cup de Slalom Olímpico

Antía Loira

A internacional viguesa Antía Loira participou o pasado fin de semana nas dúas probas da competición internacional de Slalom Segre Cup 2013. Era a terceira da tempada 2013 para Antía na que aspira a conseguir unha praza no equipo S23 de Slálom Olímpico que participase no Campionato do Mundo de Eslovaquia o próximo mes de xullo e no Campionato de Europa de Francia no mes de agosto.

O padexeiro do Val Miñor chegaba á Segre Cup cunha vitoria na Taça Iberica de Slalom de Vilanova dá Cerveira e unha medalla de prata, por detrás da internacional portuguesa Lara Silva, no XIX Slálom Internacional de Fridao, ambas as dúas disputadas o pasado mes de febreiro. Na dobre cita catalá o padexeiro galego lograba disputar as dúas finais de K1 finalizando en ambos os dous caso en 10ª posición, a mesma que ocupou na clasificación final de Segre Cup.

O sábado en Ponts Antía clasificábase para a final cun total de 110.42 en 10ª posición. Na final, aínda que non puido mellorar o seu posto, completaba a súa mellor manga cun crono de 1:44.59 máis unha penalización para un total de 106.59, a catro segundos da catalá Marta Martínez (suplente de Maialen Chourraut en Londres 2012). A vitoria foi para as rusas Alexandra Perova (94.77) por diante de Ekaterina Perova (97.18) e da donostiarra Irati Goikoetxea (98.11). Na segunda regata da Segre Cup, a disputada o domingo 31 de marzo na Canle Olímpic del Segre na Seu d´Urgell, vitoria de Irati Goikoetxea (111.16) por diante das catalás Meritxell Rodríguez, Marta Martínez e Nuria Vilarrubla. A rusa Alexandra Perova finalizaba sexta o que outorgaba a vitoria final ao padexeiro vasco. O padexeiro galego finalizaba de novo en 10ª posición cun crono de 126.60, que non puido mellorar na final.

O próximo fin de semana en Padrón Antía Loira terá unha nova cita coa disputa da Copa de España de Slálom Olímpico no río Ulla na cita clásica galega co Slálom Olímpico.