A Escola Municipal da Terceira Idade inicia o taller de memoria en Ponteceso

Participantes no obradoiro

Xa tivo lugar a primeira sesión do taller de memoria que o Concello de Ponteceso está a organizar na Casa do Mar en Corme, dentro das actividades previstas na Escola Municipal da Terceira Idade, Susa da Chasca. Trátase dun traballo desenvolvido polos departamentos de cultura e servizos sociais do Concello.

Participan neste taller 13 mulleres que realizarán unha morea de actividades destinadas a estimular as habilidades cognitivas e sensoriais, impartido por profesionais na materia.